The news is by your side.

Advertisement

خوش نصیب گدھوں کو بلدیاتی حکومت نے ملازمت دے دی

انقرہ: ترکی کے تاریخی صوبے کی مقامی حکومت نے کچرا اٹھانے کے لیے گدھوں کو سرکاری ملازم کے طور پر بھرتی کرلیا۔

ڈیلی صباح نیوز پر شائع ہونے والی رپورٹ کے مطابق ترکی کے جنوب مشرقی علاقے میں واقع ماردین صوبے کے تاریخی ضلع Artuklu کی مقامی حکومت نے کوڑا کرکٹ صاف کرنے کے لیے گدھوں کی خدمات حاصل کرلیں۔

میونسپلیٹی کارپوریشن نے اس کام کے لیے باقاعدہ گدھوں کو بھرتی کیا جو دن بھر میں صرف 6 گھنٹے کام کریں گے اور مختلف علاقوں سے کچرا جمع کر کے اُسے مقررہ مقام پر پہنچائیں گے۔

گدھے کے ساتھ ایک سرکاری ملازم بھی ہوگا جو کچرے دان سے کوڑا جمع کر کے اُسے پشت پر رکھی ہوئی بوری میں ڈالے گا۔

مزید پڑھیں: پاکستان میں گدھوں کی تعداد 55لاکھ ہوگئی

یہ بھی پڑھیں: کولمبیا میں گدھوں کے مقابلہ حسن کا انعقاد

رپورٹ میں بتایا گیا ہے کہ گدھے خاکروب کے ساتھ روزانہ چھ گھنٹے کی ڈیوٹی کریں گے اور جب وہ شام میں اپنی ٹائمنگ پوری کر کے واپس آئیں گے تو انہیں میونسپلیٹی کی جانب سے گھانس پوس (کھانا) فراہم کی جائے گی جبکہ انہیں سرکاری اصطبل میں رکھا جائے گا۔

ایک گدھے کو 7 سال کے لیے ملازمت دی جائے گی اور مدت ختم ہونے کے بعد اُسے سرکاری اصطبل سے آزاد کردیا جائے گا۔

Comments

یہ بھی پڑھیں