نیویارک : ترکی نے ایک بار پھر اقوام متحدہ کی انسانی حقوق کونسل میں مسئلہ کشمیراٹھا دیا اور بھارت سے مقبوضہ کشمیر میں پابندیاں ہٹانے کا مطالبہ کردیا۔
تفصیلات کے مطابق مقبوضہ کشمیر میں بھارتی مظالم کیخلاف عالمی سطح پر آوازیں اٹھنے لگیں، ترک وزیر خارجہ نے اقوام متحدہ کےانسانی حقوق کونسل کے اجلاس میں کشمیرکا معاملہ اٹھاتے ہوئے کہا مسئلہ کشمیر کا حل اقوم متحدہ کی قراردادوں اور کشمیریوں کی امنگوں کے مطابق ہونا چاہئیے۔
ترک وزیر خارجہ نے مطالبہ کیا کہ بھارت مقبوضہ کشمیر میں پابندیوں میں نرمی کرے۔
دوسری جانب سابق وزیراعلی مقبوضہ کشمیرفاروق عبد اللہ نے بھارت سے پاکستان کیساتھ مذاکرات کرنےکامطالبہ کرتے ہوئے کہا ہے کہ لداخ کی طرح کشمیر سے بھی فوج ہٹانے کی ضرورت ہے۔
مزید پڑھیں : مسئلہ کشمیر پر ترک وزیر خارجہ کا دو ٹوک مؤقف
یاد رہے رواں سال جنوری میں کراچی میں ترکی کے نئے قونصل خانے کی عمارت کے افتتاح کے موقع پر ترک کے وزیر خارجہ کا کہنا تھا کہکشمیر کاز پر ہمارا وہی مؤقف ہے جو پاکستان کا ہے اور پاکستان سے ہمارے تعلقات کسی تعارف کے محتاج نہیں۔
خیال رہے مقبوضہ وادی میں بھارتی فورسزکی درندگی عروج پرہے، ’’کنان‘‘ اور ’’پوشپورہ‘‘ گاوں میں تیس سال پہلے آج ہی کے دن قابض بھارتی فوج نے سو سے زیادہ خواتین کو زیادتی کا نشانہ بنایا تھا۔
