ترکیہ کا دل کہلانے والے استنبول پر دہشتگردانہ حملہ ناکام بناتے ہوئے حملہ آوروں کے مذموم مقاصد کو خاک میں ملا دیا گیا۔
ترک پولیس نے استنبول کی ایک عدالت پر حملہ کرنے والے دو افراد کو ہلاک کر دیا ہے جسے حکام نے "دہشت گردی کی کارروائی” کا نام دیا ہے۔
منگل کی صبح ہونے والے اس واقعے میں چھ افراد زخمی بھی ہوئے جن میں تین پولیس افسران بھی شامل ہیں، حکام نے حملے کا الزام بائیں بازو کے مسلح گروپ ریوولیوشنری پیپلز لبریشن پارٹی/فرنٹ (DHKP-C) پر عائد کیا ہے۔
Breaking News: Foiled Terrorist Attack at Istanbul Çağlayan Courthouse – Swift Action as Terrorists Neutralized. ⤵️ pic.twitter.com/XThevehcbE
— The Intel Consortium (@IntelPk_) February 6, 2024
ترک وزیر داخلہ علی یرلیکایا نے ایکس پر کہا کہ شوٹروں نے استنبول میں کیگلیان عدالت کے قریب ایک چوکی پر فائرنگ کرنے کے جوابی کارروائی میں مارے گئے۔
انہوں نے کہا کہ مشتبہ افراد، ایک مرد اور ایک عورت جن کی شناخت صرف EY اور PB کے طور پر ہوئی ہے، DHKP-C کے مبینہ ارکان تھے، جو ترکی میں "دہشت گرد گروپ” کے طور پر درج ہیں۔
DHKP-C نے 1980 کی دہائی سے ترک ریاست کے خلاف مہم چلائی ہے۔
واقعے کے بعد جائے وقوعہ سے ملنے والی فوٹیج میں عدالت کے داخلی دروازے پر پولیس کی بھاری نفری کو دکھایا گیا ہے، داخلی اور خارجی راستے بند ہیں۔ وزیر انصاف یلماز ٹنک نے کہا کہ استغاثہ نے حملے کی تحقیقات شروع کر دی ہیں۔
