The news is by your side.

Advertisement

ترکی کی کورونا وائرس کیخلاف بڑی کامیابی

استنبول : دنیا بھر میں کورونا وائرس کے سدباب کیلیے اس کی دوا اور ویکسین کی تیاری کا کام مختلف ممالک میں جاری ہے، تاہم اب ترکی نے بھی اس میں کامیابی حاصل کرتے ہوئے کورونا ویکسین تیار کی ہے۔

تفصیلات کے مطابق ترکی نے تبدیل شدہ کورونا وائرس کے خلاف مقامی ویکسین تیار کرلی ہے “ریباویرین” نامی دوا نے ابتدائی لیبارٹری مراحل کامیابی سے مکمل کرلیے ہیں۔

ترکی کے سائنس و ٹیکنالوجی تحقیقی ادارے ٹیوبی ٹیک کے تعاون سے انقرہ یونیورسٹی اسٹیم سیل انسٹیٹیوٹ میں تبدیل شدہ کورونا وائرس کے خلاف مقامی ویکسین تیار کرلی گئی ہے۔

ٹیوبی ٹیک نامکی ادارہ کووِیڈ۔19 ترکی پلیٹ فارم سے مقامی ویکسین اور دوا کی تیاری کا کام جاری رکھے ہوئے ہے۔

اس دائرہ کار میں ٹیوبی ٹیک کے تعاون سے انقرہ یونیورسٹی اسٹیم سیل انسٹیٹیوٹ میں 37 محققین کی ٹیم کے ساتھ کووِیڈ۔19 کے علاج کےلئے دوا کی تیاری کا پروگرام شروع کیا گیا۔

ٹیم کی تیار کردہ “ریباویرین” نامی دوا نے لیبارٹری مراحل کو کامیابی سے مکمل کرلیا ہے۔ وائرس کے خلاف تیار کی گئی یہ دوا تبدیل شدہ کورونا وائرس کے خلاف بھی مؤثر ثابت ہوئی ہے۔

مذکورہ دوا ایک دو ہفتوں میں کلینکل تجربات کا مرحلہ شروع کر دے گی۔ پہلے مرحلے میں انقرہ یونیورسٹی ابن سینا اسپتال، کوچ یونیورسٹی، عمرانیہ تعلیمی و تحقیقی اسپتال اور انقرہ سٹی اسپتال سے50رضا کاروں پر دوا کا تجربہ کیا جائے گا۔

Comments

یہ بھی پڑھیں