اسلام آباد : ترک صدر رجب طیب اردوان آج پاکستان پہنچیں گے، پاکستان آمد پر ان کا پرتپاک استقبال کیا جائے گا۔
تفصیلات کے مطابق ترک صدر رجب طیب اردوان آج 2روزہ دورے پرپاکستان پہنچیں گے ، وزیراعظم شہباز شریف کی دعوت پر ترک صدر دورہ کر رہے ہیں.
ذرائع نے بتایا کہ ترکی کا اعلیٰ سطح کے وفد بھی ان کے ہمراہ ہو گا، وفد میں وزرا، اعلیٰ حکام اور کارپوریٹ رہنما شامل ہوں گے۔
ذرائع نے کہا کہ پاکستان آمد پر ان کا پرتپاک استقبال کیا جائے گا، پاک فضائیہ کے جے ایف سیونٹین تھنڈرز طیارے صدارتی طیارے کو اسکارٹ کریں گے۔
دورے کے دوران وزیراعظم اور ترک صدر اسٹریٹجک کوآپریشن کونسل اجلاس کی مشترکہ صدارت کریں گے اور جلاس کے اختتام پر مشترکہ اعلامیہ جاری کیا جائے گا۔
سرکاری ذرائع کا کہنا تھا کہ اس دوران اہم معاہدوں اور ایم او یوز پر دستخط ہوں گے، اس کے علاوہ صدر اردوان صدر آصف علی زرداری سے بھی ملاقات کریں گے جبکہ ترکیہ بزنس اینڈ انویسٹمنٹ فورم سے خطاب بھی کریں گے
