ترکی کی مقامی طور پر تیار کردہ کوویڈ 19 ویکسین ترکوواک لگوانے والوں کی قطاریں لگ گئیں۔
ترک میڈیا کے مطابق مقامی طور پر تیار کردہ ترکوواک کا عوامی استعمال شروع ہو گیا ہے اور ملک بھر سے لوگوں کی رجسٹریشن کی جارہی ہے۔
اس حوالے سے ترک وزیر صحت فخرالدین قوجہ نے ٹوئٹر پر بتایا کہ اب تک 846 ہزار 451 افراد نے ترکوواک ویکسین لگوانے کے لیے رجسٹریشن کروائی ہے۔
انہوں نے اس امید کا اظہار کیا کہ ترکی کا شمار جلد ہی ان ممالک میں ہوگا جو اپنی تیار کردہ ویکسین نہ صرف استعمال کررہے ہیں بلکہ دیگر ممالک کو بھی تقسیم کر رہے ہیں۔
ترکوواک ویکسین کے استعمال کا آغاز انقرہ سٹی اسپتال سے کیا گیا ہے اور اس کا دائرہ کار وسیع کیا جائے گا۔یہ ویکسین قیصری ایرجیس یونیورسٹی اور وزارت صحت کے تعاون سے تیار کی گئی ہے۔
Turkovac’ın 3. faz çalışmalarında ilk doz uygulandı. 40 Bin 800 gönüllünün yardımına ihtiyaç duyulduğu halde, E-Nabız üzerinden kısa sürede 846 Bin 451 başvuru oldu. Sonuca inancımız tam. Yakında kendi aşısını üreten ve aşısı dünyada kullanılan sayılı ülkelerden biri olacağız. pic.twitter.com/V6Kz9JAZSh
— Dr. Fahrettin Koca (@drfahrettinkoca) June 22, 2021
گزشتہ روز صدر رجب طیب ایردوان نے ترک ساختہ ترکو ویکسین کے تیسرے مرحلے کے ٹرائلز میں ویڈیو کانفرنس کے ذریعے شرکت کی جس میں انہوں نے کہا کہ ترکی کورونا وبا سے بچاؤ کے لیے اپنی ویکسین بنانے میں کامیاب ہوا ہے۔
ان کا کہنا تھا کہ ترکی کے لیے اپنی ویکسین کا ہونا نہایت اہم ہے ملک اور قوم کو کورونا وبا کے نقصانات سے بچانے کے لیے جتنا جلد ممکن ہو سکے، ترکو ویکسین کا مارکیٹ میں آنا ضروری ہے۔ اسی سے عوام کو وبا اور مشکلات سے بچایا جا سکے گا۔
