تازہ ترین

فیض آباد دھرنا : انکوائری کمیشن نے فیض حمید کو کلین چٹ دے دی

پشاور : فیض آباد دھرنا انکوائری کمیشن کی رپورٹ...

حکومت نے پیٹرولیم مصنوعات کی قیمتوں میں اضافہ کردیا

حکومت کی جانب سے پیٹرولیم مصنوعات کی نئی قیمتوں...

سعودی وزیر خارجہ کی قیادت میں اعلیٰ سطح کا وفد پاکستان پہنچ گیا

اسلام آباد: سعودی وزیر خارجہ شہزادہ فیصل بن فرحان...

حکومت کل سے پٹرول مزید کتنا مہنگا کرنے جارہی ہے؟ عوام کے لئے بڑی خبر

راولپنڈی : پیٹرول کی قیمت میں اضافے کا امکان...

نئے قرض کیلئے مذاکرات، آئی ایم ایف نے پاکستان کے لیے خطرے کی گھنٹی بجادی

واشنگٹن : آئی ایم ایف کی منیجنگ ڈائریکٹر کرسٹیلینا...

ترکیہ کے بلدیاتی انتخابات: صدر رجب طیب اردوان کو بڑا دھچکا

انقرہ : ترکیہ کے بلدیاتی انتخابات میں صدر اردوان کو بدترین شکست کا سامنا ہے، اپوزیشن نے انقرہ اوراستنبول سمیت سترہ شہروں میں فتح حاصل کرلی ہے۔

ترکیے کے بلدیاتی انتخابات کےنتائج آنا شروع ہوگئے، انتخابات کے نتائج میں صدر رجب طیب اردوان اور ان کی جماعت کو بڑا دھچکا لگا۔

دارالحکومت انقرہ اوراستنبول سمیت ملک کےپندرہ شہروں میں میئرکی نشستوں پرحزبِ اختلاف کے امیدواروں نے کامیابی حاصل کرلی، استنبول کے میئرامام اوغلو کو تقریباً دس پوائنٹس کی برتری حاصل ہے۔

انقرہ میں اپوزیشن میئرمنصور یاواش کی جیت کا جشن منانے ہزاروں افراد سڑکوں پر نکل آئے، صدر اردوآن اوران کی جماعت کو دو دہائیوں سے زیادہ کے اقتدار میں بدترین شکست کا سامنا ہے۔

حزبِ اختلاف کی ریپبلکن پیپلزپارٹی نےستّرسال بعد تاریخی کامیابی حاصل کی ہے، استنبول میں اردوآن کی اے کے پارٹی کی کارکردگی ایگزٹ پولز کی پیش گوئی سے بھی بدتر رہی۔

ترک صدرکا کہنا ہے اکتیس مارچ ہمارے لیے اختتام نہیں ٹرننگ پوائنٹ ہے، مئی کے الیکشن میں جیت کے نو ماہ بعد ہم مطلوبہ نتائج حاصل نہیں کرسکے، ترک عوام نےووٹ کے ذریعے سیاست دانوں کو اپنا پیغام پہنچا دیا ہے، نتائج کا پارٹی میں جائزہ لیں گے اوراپنااحتساب کریں گے۔

مجموعی طور پر حکمراں اے کے پارٹی کو تین سو چالیس اور اپوزیشن کی ری پبلکن پیپلزپارٹی کو دوسوچالیس اضلاع میں برتری حاصل ہے۔

بلدیاتی انتخابات میں اکیاسی صوبوں اور نو سو تہتراضلاع سمیت تین سو نوے قصبوں میں میئر کا انتخاب کیا جا رہا ہے۔

Comments

- Advertisement -