اسلام آباد: ترک وزیر خارجہ اعلیٰ سطح کے وفد کے ہمراہ دفتر خارجہ پہنچے جہاں ان کے اور وزیر خارجہ شاہ محمود قریشی کے درمیان وفود کی سطح پر مذاکرات ہوئے۔
تفصیلات کے مطابق ترجمان دفتر خارجہ کے ٹویٹ میں کہا گیا ہے کہ ترکی کے وزیر خارجہ میولوت چاؤش اوغلو دفتر خارجہ پہنچے۔ اس موقع پر وزیر خارجہ شاہ محمود قریشی نے ترک ہم منصب کا استقبال کیا۔
Turkish FM received by FM at MOFA today #pakturkfriendship pic.twitter.com/ZkwJsaUDbk
— Dr Mohammad Faisal (@ForeignOfficePk) September 14, 2018
#Paktutkfriendship pic.twitter.com/EfTN9M0VsQ
— Dr Mohammad Faisal (@ForeignOfficePk) September 14, 2018
Turkish Foreign Minister Mevlüt Çavuşoğlu holds one on one talks with Foregin Minister Qureshi. Strengthening Pak-Turkey strategic partnership in political and socio economic sectors main agenda item #pakturkfriendship pic.twitter.com/6OJhVKgKCQ
— Dr Mohammad Faisal (@ForeignOfficePk) September 14, 2018
دونوں وزرائے خارجہ کی بالمشافہ ملاقات کے بعد پاکستان اور ترکی کے درمیان وفود کی سطح پر مذاکرات ہوئے۔ شاہ محمود قریشی اور میولوت چاؤش نے اپنے اپنے وفود کی قیادت کی۔
مذاکرات میں باہمی تعلقات، تجارت اور اقتصادی تعاون پر بات چیت کی گئی۔
Pak-Turk delegation level talks – Both countries are tied in inseparable bonds of people to people affection based on common faith & objectives and shared destinies as members of Islamic world. Both countries pledged to continue partnership for regional peace and stability. pic.twitter.com/4F4jzOZC1y
— Dr Mohammad Faisal (@ForeignOfficePk) September 14, 2018
خیال رہے کہ ترک وزیر خارجہ آج صبح اسلام آباد پہنچے۔ وہ پاکستانی قیادت سے بھی ملاقاتیں کریں گے، چاؤش اوغلو نئی پاکستانی قیادت کو ترک صدر کا پیغام پہنچائیں گے۔
علاوہ ازیں وہ پاکستان کے نئے صدر مملکت عارف علوی کو اپنی اور ترک صدر کی جانب سے مبارک باد بھی پیش کریں گے۔
یاد رہے کہ وزیر خارجہ میولوت چاؤش اوغلو نئی حکومت کے اقتدار سنبھالنے کے بعد چوتھے وزیر خارجہ ہیں جو پاکستان کے دورے پر تشریف لائے ہیں۔
مملکت خداداد میں نئی حکومت بننے کے بعد اب تک چین اور ایران کے وزرائے خارجہ جبکہ امریکا کے سیکریٹری خارجہ پاکستان کا دورہ کرچکے ہیں جن سے وزیر اعظم نے بھی اہم ملاقاتیں کیں۔