The news is by your side.

Advertisement

شاہ محمود قریشی کا ترک وزیر خارجہ کی وزارت خارجہ آمد پر پُرتپاک استقبال

اسلام آباد : ترک وزیر خارجہ میولوت چاوش اوغلو کی وزارت خارجہ آمد پر وزیر خارجہ شاہ محمود قریشی نے استقبال کیا، میولوت چاؤش وزیراعظم عمران خان اوروزیرخارجہ شاہ محمود قریشی سےملاقاتیں کریں گے۔

تفصیلات کے مطابق ترک وزیر خارجہ میولوت چاوش اوغلو وزارت خارجہ پہنچے، جہاں وزیر خارجہ شاہ محمود قریشی نے معزز مہمان کا استقبال کیا ، ترک وزیر خارجہ نے وزارتِ خارجہ کے لان میں پودا لگایا۔

میولوت چاؤش وزیراعظم عمران خان اوروزیرخارجہ شاہ محمود قریشی سےملاقاتیں کریں گے جبکہ ترک وزیر خارجہ کو صبح صدر عارف علوی نے سول ایوارڈ سے نوازا ۔

خیال رہے آج پاکستان ترکی اورآذربائیجان میں مذاکرات کادوسرامرحلہ شروع ہوگا، ترک، آذربائیجان اور پاکستان کےوزرائے خارجہ وفود کی سربراہی کریں گے، سہ فریقی مذاکرات کے دوسرے مرحلے کی میزبانی پاکستان کر رہا ہے۔

سہ فریقی مذاکرات کے بعد مشترکہ اعلامیے کا اجرا متوقع ہے۔

Comments

یہ بھی پڑھیں