ترکیہ میں سحری میں جگانے والی خواتین دوبارہ گلیوں میں نکل پڑیں اور ڈھول بجا کر لوگوں کو سحری کے لئے اُٹھایا، جہاں خواتین کے گروپ سے کچھ لوگ خوش ہوئے جبکہ بعض نے ناراضگی کا اظہار بھی کیا۔
بین الاقوامی خبر رساں ادارے کی رپورٹ کے مطابق خواتین کے ایک گروپ نے رمضان المبارک کے مقدس مہینے کے دوسرے دن کی سحری کے وقت ترک ریاست مارسین کے ساحلی علاقے میں ڈھول بجا کر اور نغمے گا کر رہائشیوں کو جگایا۔
میڈیا رپورٹس کے مطابق سحری میں جگانے والا خواتین کا یہ گروپ کئی سالوں سے لوگوں کو ڈھول بجا کر سحری کے لیے جگا رہا ہے۔
غیر ملکی میڈیا کا کہنا ہے کہ اس گروپ میں صرف خواتین شامل ہیں، یہ خواتین ریاست مارسین میں اپنے رہائشی علاقے میں سحری کے وقت مل کر گانے گاتی ہیں اور لوگوں کو سحری میں جگاتی ہیں۔
سعودی عرب: رمضان کے حوالے سے اہم ہدایات جاری
سوشل میڈیا پر سامنے آنے والی خواتین کی تصاویر اور ویڈیوز کے بعد صارفین کی طرف سے اس پر ملا جلے رد عمل کا اظہار کیا جارہا ہے۔
