انقرہ: ترکیہ کے نئے حکمران کے انتخاب کے لیے اوورسیز ووٹنگ کا عمل شروع ہو چکا ہے، جب کہ ترکیہ میں 14 مئی کو عام انتخابات کا دنگل سجے گا۔
تفصیلات کے مطابق ترکیہ میں عام انتخابات کا دنگل سجنے کو ہے، جس کے لیے اوورسیز ووٹنگ کا عمل جاری ہے، صدارت کے لیے طیب اردوان اور کمال کوچ داروو کے درمیان کانٹے کا مقابلہ متوقع ہے۔
لندن، برسلز اور برلن کے ترک سفارت خانوں میں ووٹ ڈالنے کے لیے قطاریں لگ گئی ہیں، اوورسیز ووٹنگ 9 مئی کو مکمل ہوگی، جس کے بعد بیلٹ باکس ترکیہ جائیں گے۔
ترکیہ میڈیا کے مطابق الیکشن کے دن ترکیہ میں ووٹنگ کے ساتھ اوورسیز ووٹوں کی بھی گنتی کی جائے گی۔
