ترکیہ کی وزارتِ دفاع نے کہا ہے کہ ترکی اور امریکہ نے F-16جنگی طیاروں کی فروخت کے معاہدوں پر دستخط کردیئے ہیں، واشنگٹن نے مذاکرات کے بعد 23 بلین ڈالر کے معاہدے کی اجازت دیدی ہے۔
بین الاقوامی خبر رساں ادارے کی رپورٹ کے مطابق ”جنگی جہاز خریدنے کے معاہدے پر دستخط ہو گئے تھے اور دونوں اطراف کے وفود تفصیلات کے لیے مذاکرات کر رہے ہیں۔”
معاہدے کے تحت ترکیہ کو 40 نئے F-16طیارے دیئے جائیں گے جبکہ اس کے موجودہ بیڑے میں 79 جیٹ طیاروں کو اپ گریڈ کیا جائے گا۔
امریکی محکمہ خارجہ نے گذشتہ ہفتے ترکیہ کی جانب سے نئے F-16جنگی طیاروں کی خریداری میں ”ایک اہم پیش رفت” کا خیرمقدم کیا اور انہیں صرف قریبی اتحادیوں اور شراکت داروں کے لیے دستیاب اب تک کے جدید ترین طیارے قرار دیا۔
یہ بات قابلِ ذکر ہے کہ جب تک ترکیہ کی طرف سے سویڈن کی نیٹو رکنیت کی توثیق کی دستاویزات واشنگٹن نہیں پہنچ گئیں، امریکہ نے اس سودے کی اجازت نہیں دی۔
سکھ رہنما کے قتل کی بھارتی سازش، امریکی صدر کا اہم فیصلہ
ایک سال سے زیادہ تاخیر کے بعد ترکی کی پارلیمنٹ نے سویڈن کی نیٹو رکنیت کی توثیق کی جو یوکرین کے خلاف روس کی جنگ کے باوجود متحد ہونے کے لیے مغربی ممالک کے لیے پریشانی کا باعث بنا۔
