بالی ووڈ فلم کچھ کچھ ہوتا ہے صرف راہول انجلی اور ٹینا کی فلم ہی نہیں تھی اس میں دیگر کردارز جیسے رفعت بی بی، دادی، امان اور مسز برنگزا سمیت چائلڈ اداکار نے بھی شاندار اداکاری کے جوہر دکھائے۔
آپ کو وہ بچہ تو یاد ہی ہوگا جس نے روتے ہی یہ جملے ادا کیے تھے ’تُسی جارہے ہو تُسی نہ جاؤ۔‘ یہ چھوٹے سردار کا کردار پرزان دستور نے نبھایا تھا اور اسے بے پناہ شہرت ملی تھی۔
سوشل میڈیا صارفین کی جانب سے پرزان کی بچپن کی تصویر شیئر کی جارہی ہے جس میں وہ فلم کے سیٹ پر شاہ رخ خان کے کندھے پر موجود ہیں۔
تاہم کنگ خان کی فلم پٹھان کی کامیابی کے بعد پرزان نے بھی تصویر شیئر کی اور لکھا کہ جب پرزان پٹھان سے ملا۔‘
View this post on Instagram
مداحوں کی جانب سے پرزان اور شاہ رخ خان کی تصویر کو خوب سراہا جارہا ہے اور مداح اس پر تبصرے بھی کررہے ہیں، ایک صارف نے لکھا کہ ’تُسی چھا گئے ہو۔‘
