تازہ ترین

اداکارہ یمنیٰ زیدی کا شاعرانہ انداز مداحوں کو بھا گیا، ویڈیو وائرل

پاکستان شوبز کی معروف اداکارہ یمنیٰ زیدی سوشل میڈیا پر تو پہلے بھی پوسٹس کرتی رہی ہیں لیکن اس بار انہوں نے ایک بار پھر وہی انداز اپنایا جسے صارفین نے پہلے بھی خوب سراہا تھا۔

یمنیٰ زیدی کی ایک ویڈیو سوشل میڈیا پر وائرل ہورہی ہے جس میں وہ اپنے خیالات کی عکاسی شاعری کے ذریعے کرتی دِکھائی دے رہی ہیں، اور ان کے الفاظ کی ادائیگی اتنی زبردست ہے کہ سننے والوں کو اپنے سحر میں جکڑ لیں۔

یمنیٰ زیدی ماضی میں بھی اس قسم کی ویڈیوز انسٹاگرام پر پوسٹ کرتی رہی ہیں جس میں انہوں نے اپنی لکھی گئی شاعری سے مداحوں کے دلوں میں گھر کرلیا تھا۔

اداکارہ نے اپنی نئی ویڈیو میں شاعرانہ انداز اپناتے ہوئے کچھ جملے کہے جو ان کے مداح بے حد پسند کررہے ہیں۔ اداکارہ کی ویڈیو کو ان کے اکاؤنٹ پر اب تک 2 لاکھ 24 ہزار سے زائد مرتبہ دیکھا جاچکا ہے جب کہ متعدد صارفین اس پر اپنا تبصرہ پیش کرچکے ہیں۔

مداحوں کا کہنا ہے کہ یمنیٰ شوبز انڈسٹری کی وہ اداکارہ ہیں جو اداکاری کے ساتھ ساتھ اپنے الفاظ سے لوگوں کے دِلوں میں گھر کرنا جانتی ہیں۔

Comments

- Advertisement -