تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پنجاب کا وزیراعلیٰ کون ہوگا ؟ معاملہ دلچسپ مرحلے میں داخل

لاہور : جہانگیرترین گروپ کے بارہ ارکان پنجاب اسمبلی کا مسلم لیگ ق سے رابطہ کرکے چودھری پرویزالہی کو وزارت اعلی کے لیے حمایت کا یقین دلادیا۔

تفصیلات کے مطابق پنجاب کی وزارت اعلی کا معاملہ دلچسپ مرحلے میں داخل ہوگیا ہے، ہر کوئی اپنے کارڈز کھیل کر لابنگ کر رہا ہے۔

ذرائع کا کہنا ہے کہ اس صورتحال میں جہانگیرترین گروپ کے بارہ ایم پی ایز مسلم لیگ ق سے بھی رابطے میں ہیں اور تمام ارکان نے چوہدری برادران کو وزارت اعلیٰ کیلئے حمایت کا یقین دلاتے ہوئے کہا اگروزارتِ اعلیٰ کےلیے اُن کا نام تجویز کیا گیا تو وہ پوری طرح حمایت کریں گے۔

ایم پی ایز نے ق لیگ کو یقین دہانی کرائی ہے کہ آپ جب بھی آواز دیں گےہم حاضر ہوں گے۔

ظاہری طور پر مذکورہ ارکانِ پنجاب اسمبلی علیم خان کے ساتھ دکھائی دے رہے ہیں ، انہی ارکان اسمبلی کی بنیاد پر علیم خان بھی اپنا کیس لڑ رہے ہیں۔

ذرائع کا کہنا ہے کہ مسلم لیگ ق کو ترین گروپ اور علیم خان پر برتری حاصل ہے، وفاق میں پانچ اہم ایم این ایز قا لیگ کے پاس ہیں، اس لئے اسپیکرقومی اسمبلی یا وزیراعظم کے خلاف تحریکِ عدم اعتماد کی صورت میں یہ انتہائی اہم ہوں گے۔

گزشتہ رات وفاقی وزرا نے مونس الہٰی اور بشیر چیمہ سے ملاقات میں وزارتِ اعلیٰ کے لیے علیم خان کانام تجویز کیا تھا، جسے ق لیگ نے مسترد کردیا، اب نیا نام تجویز کیا جائے گا یا پھر پرویز الہٰی کے حق میں بھی فیصلہ ہوسکتا ہے۔

Comments

- Advertisement -