بھارت کی ریاست کرناٹک میں آئسکریم کھانے سے جڑواں بچے موت کے منہ میں چلے گئے جبکہ ان کی والدہ اسپتال میں زیرِ علاج ہے۔
میڈیا رپورٹس کے مطابق افسوسناک واقعہ ضلع منڈیا کے ایک گاؤں میں پیش آیا۔ پولیس نے واقعے کا مقدمہ درج کرنے کے بعد معاملے کی تحقیقات شروع کر دی۔
متاثرہ خاتون بازار سے اپنے اور بچوں کیلیے آئسکریم لائی تھی جسے کھانے کے بعد تینوں کی حالت غیر ہوگئی۔ جڑواں بچے بیمار پڑنے کے کچھ دیر بعد ہلاک ہوئے جبکہ خاتون کو اسپتال منتقل کیا گیا۔
پولیس کے مطابق اسپتال میں خاتون کا علاج جاری ہے اور جڑواں بچوں کی پوسٹ مارٹم رپورٹ کے بعد ہی معلوم ہو سکے گا کہ ان کی موت کیسے ہوئی۔
پولیس نے آئسکریم فروخت کرنے والے شخص کی تلاش شروع کر دی ہے۔
