سماجی رابطے کی ویب سائٹ ٹوئٹر کے نئے سربراہ نے ویری فائیڈ اکاؤنٹس کیلئے اب بلیو کی جگہ مختلف رنگوں کے ’ٹک‘ استعمال کرنے کا اعلان کیا ہے۔
اپنے تازہ پیغام میں ایلن مسک نے بتایا ہے کہ دو نئے رنگوں کے ساتھ ٹویٹر کی تصدیق شدہ سروس اگلے ہفتے سے شروع کی جائے گی۔
اپنے ٹوئٹر پیغام میں ایلون مسک نے اکاؤنٹس ویری فکیشن سسٹم کے نئے پروگرام کی تفصیلات جاری کرتے ہوئے کہا کہ ٹوئٹر کے اکاؤنٹ ویری فکیشن سسٹم کے لیے 3 مختلف رنگوں پر مشتمل چیک مارکس متعارف کرائے جائیں گے۔
غیر ملکی خبر رساں ادارے کی رپورٹ کے مطابق ٹویٹر انتظامیہ بلیو ٹک کے بعد تصدیق شدہ گولڈ اور گرے چیک مارکس کو متعارف کرے گی۔
ٹوئٹر کے نئے سربراہ نے اعلان کیا کہ ویری فائیڈ ٹوئٹر اکاؤنٹس کے لیے تین مختلف رنگوں کے چیک مارکس استعمال کیے جائیں گے۔
So every individual verified as a public official or $8 payment will have the same check?
Will they be customizable?
Will there be a red check for those that commit fraud but verified #NYT?— Crypto King (@Cryptoking) November 25, 2022
جس کیلئے کمپنیوں کے اکاؤنٹس پر گولڈ ٹک، حکومتی اداروں کے اکاؤنٹس پر گرے جبکہ انفرادی اکاؤنٹس کے لیے بلیو ٹک ہی استعمال کیا جائے گا۔
انہوں نے کہا کہ ان تمام اکاؤنٹس پر ویری فائی چیک مارک کو ایکٹیویٹ کرنے سے قبل ان افراد کی فراہم کردہ تفصیلات کے مستند ہونے کی تصدیق کی جائے گی۔
ایلن مسک کا مزید کہنا تھا کہ انفرادی ویری فائیڈ اکاؤنٹس پر بلیو ٹک ہوگا مگر کسی ادارے سے منسلک افراد کے بلیو ٹک کے ساتھ ایک سیکنڈری چھوٹا لوگو بھی ہوگا جس سے عندیہ ملے گا کہ یہ اکاؤنٹ اس ادارے کی وجہ سے ویری فائی ہوا۔
