کابل: افغانستان کے صوبے قندھارمیں افغان فوجی نے فائرنگ کرکے 2 امریکی فوجیوں کو قتل کردیا۔
بین الاقوامی خبررساں ادارے کے مطابق افغان صوبے قندھار کے ضلع شاہ ولی کوٹ میں تناجوہ فوجی کیمپ کے اندر ایک افغان فوجی نے امریکی فوجیوں کو بھون ڈالا جس کے نتیجے میں 2 امریکی فوجی ہلاک اور 3 زخمی ہوگئے۔
[bs-quote quote=”رواں سال افغانستان میں حملوں کے دوران مارے گئے امریکی فوجیوں کی تعداد 14 ہوگئی” style=”style-8″ align=”left”][/bs-quote]
جوابی کارروائی میں افغان فوجی حملہ آور بھی مارا گیا، امریکی حکام نے اسے اندرونی حملہ قرار دیا ہے جبکہ ہلاک امریکی فوجیوں کا تعلق 82 ایئربورن ڈویژن سے بتایا جاتا ہے۔
نیٹو کے آپریشن ریزولوٹ سپورٹ کے مطابق رواں سال افغانستان میں حملوں کے دوران مارے گئے امریکی فوجیوں کی تعداد 14 تک جاپہنچی ہے۔
امریکی وزیر خارجہ مائیک پومپیو نے کہا ہے کہ آئندہ سال تک افغانستان میں امریکی فوجیوں کی تعداد میں کمی کی جائے گی۔
یاد رہے کہ طالبان اور امریکا کے درمیان افغانستان میں جاری جنگ کے خاتمے کے لیے مذاکرات بھی جاری ہیں جس میں پاکستان اہم کردار ادا کررہا ہے۔
