نواب شاہ میں دوڑ ریلوے اسٹیشن کے قریب مال گاڑی کے دو بوگیاں پٹڑی سے اتر گئیں۔
ریلوے پولیس کے مطابق حادثہ ریلوے کلومیٹر 322 کے مقام پر پیش آیا ہے، حادثے کے بعد اب ٹریک پر ریلوے کی ٹریفک معطل ہو گئی۔
ریلوے حکام کے مطابق مال گاڑی کی دو ڈبے ٹریک سے اترے ہیں۔ حادثے کے بعد امداد ٹیمیں روانہ کردی گئیں ہیں، مال گاڑی پنجاب سے کراچی جارہی تھی۔
- Advertisement -
واضح رہے کہ چار روز قبل نواب شاہ کے قریب ہزارہ ایکسپریس میں 30 قیمتی جانیں ضائع اور 70 افراد زخمی ہوئے تھے۔ سکھر ڈویژن میں ریلوے ٹریک کی زبو حالی کے باعث مسافروں میں شدید خوف و ہراس پھیل گیا۔
گزشتہ ہفتے پڈعیدن ریلوے اسٹیشن کے قریب کراچی سے سیالکوٹ جانے والی علامہ اقبال ایکسپریس کی دو بوگیاں بھی پٹڑی سے اتر گئیں تھی۔
