The news is by your side.

Advertisement

ماہی گیر بن کر منشیات اسمگلنگ کی کوشش ناکام

لندن : برطانیہ میں سمندری راستے سے داخل ہونے والے منشیات اسمگلروں کو عدالت نے بڑی سزا سنادی۔

غیر ملکی خبر رساں ادارے کے مطابق گزشتہ روز دو برطانوی باشندے جو نیدرلینڈز سے برطانیہ جانے کی کوشش کررہے تھے کہ ساحل کے قریب ان کی لانچ ایندھن کی کمی کے باعث رک گئی۔

ملزمان نے گشت پر مامور کوسٹ گارڈ کے عملے کو اس بات کی اطلاع دی اور مدد کی درخواست کرتے ہوئے بتایا کہ وہ ماہی گیر ہیں جس پر ان کو ریسکیو کرنے کیلئے ہیلی کاپٹر روانہ کیا گیا۔

اسمگلنگ

مذکورہ کشتی ساحل سے 27کلومیٹر کے فاصلے پر تھی، کشتی کو رکا ہوا دیکھ کر کوسٹ گارڈ نے ہیلی کاپٹر بھیجا مگر اس دوران اہلکاروں کو شک ہوا جنہوں نے تلاشی لی تو کشتی سے کوکین برآمد ہوئی۔

پولیس نے ماہی گیر بن کر منشیات اسمگلنگ کرنے والے دونوں افراد کو گرفتار کرکے عدالت میں پیش کیا جہاں دونوں نے اپنے جرم کا اعتراف کیا تو جج نے انہیں 7 سال قید کی سزا سنادی۔

پولیس حکام کے مطابق کشتی سے لاکھوں پاؤنڈز مالیت کی منشیات برآمد ہوئی جسے تلف کردیا گیا ہے۔

Comments

یہ بھی پڑھیں