کراچی: سہراب گوٹھ میں ندی کنارے کھیلتے ہوئے دو بچے ڈوب گئے، بچوں کے ڈوبنے کا افسوسناک واقعہ گزشتہ شام پیش آیا۔
اے آر وائی نیوز کے مطابق ایک بچے کو گزشتہ روز ہی ندی سے زندہ حالت میں نکال لیا گیا تھا، جبکہ ندی میں ڈوبنے والے دوسرے بچے کی تلاش کا کام صبح ہوتے ہی دوبارہ شروع کردیا گیا۔
اس سے قبل بھی کراچی کے علاقے سہراب گوٹھ لیاری ندی میں 2 سال کے بچے کے گرنے کا واقعہ پیش آیا تھا۔ جس میں معصوم بچہ زندگی کی بازی ہار گیا تھا۔
بچے کے ندی میں گرنے کی اطلاع پر علاقہ مکین بڑی تعداد میں جمع ہوگئے اور از خود بچے کی تلاش شروع کردی گئی تھی۔
کئی گھنٹے گزر جانے کے باجود نالے میں گرنے والے بچے کو تلاش نہ کیا جا سکا تھا، تاہم علاقہ مکین اپنی مدد آپ کے تحت بچے کی تلاش کیلئے سرگرم ہوگئے تھے۔
اسپتال سے گھر جاتے ہوئے ماں نے نوزائیدہ بچے کی لاش ندی میں پھینک دی
ریسکیو اہلکاربچےکی تلاش کرتےہوئے سہراب گوٹھ پل تک پہنچ گئے اور لیاری ایکسپریس وے کے قریب لیاری ندی سے بچے کی لاش نکال لی تھی.
