بھارت کی ریاست بہار کے ضلع نالندہ میں ڈیوٹی پر معمور دو پولیس اہلکاروں کے درمیان رشوت کی رقم کے معاملے پر جھگڑا ہوگیا۔
مقامی میڈیا کی رپورٹس کے مطابق سوشل میڈیا پر گردش کرنے والی ویڈیو میں دیکھا جا سکتا ہے کہ سڑک کنارے پولیس کی گاڑی کھڑی ہے اور سامنے دو اہلکار ایک دوسرے سے الجھ رہے ہیں۔
ویڈیو کے مطابق ایک اہلکار نے سرِ عام رشوت لینے پر دوسرے کو ڈانٹ پلائی تو وہ موقع سے فرار ہونے لگا جس پر پہلے اہلکار نے اسے پکڑ کر ڈنڈا مارا اور یوں دونوں میں لڑائی شروع ہوگئی۔
دونوں نے ایک دوسرے کو گریبان سے پکڑ لیا اور اس سے پہلے کہ وہ ایک دوسرے کو زخمی کرتے خوش قسمتی سے وہاں موجود شہریوں نے مداخلت کر کے ان کا جھگڑا ختم کروایا۔
ویڈیو کا نوٹس لیتے ہوئے نالندہ پولیس نے اہلکاروں کو پولیس سینٹر طلب کر لیا اور معاملے کی تحقیقات شروع کر دیں جس کے بعد قصور وار اہلکار کے خلاف سخت ایکشن لیا جائے گا۔
Fighting Between Two Police Constables 🚨🚔😳@Policenalanda @dmnalanda pic.twitter.com/tSDzEe640y
— Adveen Raj (@iamadveenraj) September 18, 2023
