اسلام آباد: لاء اینڈ جسٹس کمیشن کے زیر اہتمام ملکی آبادی سے متعلق سپریم کورٹ میں دو روزہ کانفرنس کے انعقاد کا فیصلہ کیا گیا ہے۔
تفصیلات کے مطابق سپریم کورٹ میں لاء اینڈ جسٹس کمیشن کے زیر اہتمام ملکی آبادی سے متعلق دو روزہ کانفرنس کے انعقاد کا فیصلہ کیا گیا ہے۔
دو روزہ کانفرنس 14 اور 15 جولائی کو سپریم کورٹ عمارت میں ہوگی، کانفرنس کا آغاز اور اختتام پر چیف جسٹس پاکستان جسٹس عمر عطا بندیال شرکت کریں گے۔
کانفرنس کے دیگر سیشنز میں سپریم کورٹ کے دیگر ججز شرکت کریں گے، کانفرنس میں اعلی عدلیہ کے ججز ، بین الاقوامی ماہرین بشمول سفارتکار شرکت کرینگے۔
