مہمند ایجنسی : سیکیورٹی فورسز نے مہمند ایجنسی میں ایف سی کیمپ پر خود کش حملے کی کوشش ناکام بناتے ہوئے 4 دہشت گردوں کو ہلاک کردیا۔
تفصیلات کے مطابق مہمند ایجنسی کے ہیڈ کوارٹر غلنئی میں واقع مہمند رائفلز کیمپ پر صبح 6 بجکر 20 منٹ پر دہشتگردوں نے حملہ کیا۔
ڈی جی آئی ایس پی آر نے سماجی رابطے کی ویب سائٹ پر ٹوئٹر پر ٹوئٹ کی کہ ’سیکیورٹی فورسز نے بہادری کا مظاہرہ کرتے ہوئے مہمند ایجنسی کے غلنئی کیمپ میں حملہ کرنے والے 4 دہشت گردوں کو ہلاک کردیا‘۔
Security Forces valiantly defeated Suicide Attack on Ghalani Camp in Mohmand Agency killing all
4 Suicide Bombers.Own 2 sldrs martyred— Gen Asim Bajwa (@AsimBajwaISPR) November 26, 2016
آئی ایس پی آر کے مطابق 4 خود کش حملہ آوروں نے فائرنگ کرتے ہوئے مسجد میں داخل ہونے کی کوشش کی۔حملہ آوروں کو روکتے ہوئے ايف سی کے 2 اہلکار بھی جاں بحق ہوگئے۔
پاک فوج کے شعبہ تعلقات عامہ کے مطابق اس حملے میں ایف سی کے 14 اہلکار زخمی بھی ہوئے جبکہ چاروں خود کش حملہ آوروں کوہلاک کردیاگیا۔
