The news is by your side.

Advertisement

چاغی، ٹریفک حادثے میں ایف سی کے 2 اہلکار شہید، 5 زخمی

کوئٹہ: بلوچستان کے ضلع چاغی میں ٹریفک حادثے کے نتیجے میں 2 ایف سی اہلکار شہید ہوگئے۔

تفصیلات کے مطابق بلوچستان کے ضلع چاغی میں ایف سی کی گاڑی اور ٹرک میں تصادم ہوا ہے جس کے نتیجے میں 2 ایف سی اہلکار شہید اور 5 زخمی ہوگئے۔

شہید ہونے والے ایف سی اہلکاروں کی شناخت سپاہی عبدالقادر اور سپاہی عبدالعزیز کے نام سے ہوئی ہے۔

حادثے میں زخمی ہونے والے دیگر اہلکاروں کو فرنٹیئر کور اسپتال منتقل کیا گیا جس کے بعد انہیں علاج کے لیے کوئٹہ ریفر کردیا گیا۔

مزید پڑھیں: کوئٹہ، لورالائی میں میڈیکل کالج کے قریب دھماکا، ایک اہلکار شہید، دہشت گرد ہلاک

واضح رہے کہ 30 ستمبر کو کوئٹہ میں خودکش بمبار نے میڈیکل کالج کے قریب سیکیورٹی فورسز کو نشانہ بنایا تھا جس کے نتیجے میں ایگل اسکواڈ کا اہلکار شہید ہوگیا تھا جبکہ جوابی فائرنگ میں دہشت گرد مارا گیا تھا۔

خیال رہے کہ 26 ستمبر کو کوئٹہ کے مشرقی بائی پاس کے قریب اس وقت دھماکا ہوا تھا جب پولیس موبائل گشت پر تھی، دھماکے میں 2 پولیس اہلکاروں سمیت 3 افراد زخمی ہوگئے تھے۔

یاد رہے کہ 6 اگست کو بھی کوئٹہ ٹک ٹک گلی شو مارکیٹ میں دھماکا ہوا تھا جس کے نتیجے میں ایک شخص جاں بحق اور 9 افراد زخمی ہوگئے تھے، دہشت گردوں نے کوئٹہ کے عوام کو نشانہ بنایا تھا۔

Comments

comments

یہ بھی پڑھیں