کراچی: صحت و صفائی کے ناقص اقدامات کی بنا پرکراچی میں ایک ریستوران، ایک فاسٹ فوڈ سنٹراورایک گوشت کی مارکیٹ کو سربمہرکردیا۔
تفصیلات کے مطابق آج بروزجمعہ کراچی کے علاقے واٹرپمپ پرواقع ’’خان بروسٹ‘‘ اور گلشن اقبال کے علاقے میں واقع’اسٹوڈنٹ بریانی‘‘ کو متعلقہ حکام نے صحت و صفائی کے ناقص انتظامات اور حفظانِ صحت کے اصولوں کی خلاف ورزی کی بنا پر سیل کیا گیا ہے۔
دوسری جانب کراچی کے علاقے صدر میں واقع ایمپریس مارکیٹ میں واقع گوشت کی مارکیٹ کو بھی غیرمعیاری گوشت فروخت کرنے کے سبب سربمہرکیا گیا ہے۔
واضح رہے کہ پنجاب میں انتہائی بڑے پیمانے پرحفضانِ صحت کے اصولوں کی خلاف ورزی کرنے والوں کے خلاف کاروائیاں جاری ہیں اور آج بھی 6 جگہوں کو سیک کیا گیا ہے۔
