امریکی ریاست ورجینیا میں دو منہ والا سانپ نکل آیا two headed snake
The news is by your side.

Advertisement

امریکی ریاست ورجینیا میں دو منہ والا سانپ نکل آیا

واشنگٹن: امریکی ریاست ورجینیا کے پہاڑی علاقے میں دو منہ والا سانپ دیکھا گیا، سیاحوں نے سانپ دیکھا اور ویڈیو بنالی۔

تفصیلات کے مطابق امریکی ریاست ورجینیا کے پہاڑی علاقے میں دو منہ والا سانپ نکل آیا، وہاں موجود سیاحوں نے سانپ کی ویڈیو بنائی، سانپ کا ماہرین کی جانب سے معائنہ بھی کیا گیا۔

ماہر حیوانیات جے ڈی کلوفر نے سوشل میڈیا ویب سائٹ فیس بک پر لکھا ہے کہ اس طرح کے سانپ بہت کم دیکھنے میں آتے ہیں، ان کا کہنا تھا کہ ہم ابھی اس بات کا تعین کررہے ہیں کہ سانپ کا تخیل دائیں ہاتھ کی طرف ہے یا بائیں طرف جس کی مدد سے وہ خوراک حلق تک لے کر جاتا ہے۔

سانپ کی تصاویر سوشل میڈیا پر تیزی سے وائرل ہوگئیں اور لوگوں کی جانب سے اس پر مختلف تبصرے کیے گئے، کسی نے سانپ کی تصاویر کو پسند کیا تو کوئی اس سے خوفزدہ دکھائی دیا۔

دوسری جانب امریکی ریاست ایریزونا میں ایک سانپ رینگتے رینگتے ایسے ڈھکن میں جاپھنسا جس میں سے اس کا نکلنا ناممکن ہوگیا، ایسے میں کچھ افراد نے اسے دیکھا اور سانپ کو مشکل سے نکالنے کی کوشش کرنے لگے۔

بعدازاں اس سانپ کو این جی او کے حوالے کیا گیا جس کے اہلکاروں نے 20 منٹ کے بعد اس کے آزاد کرواسکے، اس دوران سانپ کو محفوظ رکھنے کے لیے احتیاط سے نکالا گیا اور پھر اسے ببل باتھ بھی دی گئی تاکہ جراثیم سے تحفظ فراہم ہو۔

این جی او کے فیس بک پیج پر اس کی تصاویر پر بھی پوسٹ کی گئیں اور اس کے علاج کے حوالے سے بھی آگاہ کیا تاہم سانپ کی حالت درست ہونے کے بعد اسے چھوڑ دیا گیا۔

Comments

comments

یہ بھی پڑھیں