لاہور: پنجاب کے دارالحکومت لاہور میں پتنگ کی ڈور پھرنے سے 2 نوجوان زخمی ہو گئے۔
تفصیلات کے مطابق پنجاب کے دارلحکومت لاہور میں پتنگ بازی کا خونی کھیل جاری ہے ، رات گئے پتنگ کی ڈور پھرنے سے 2 نوجوان زخمی ہو گئے۔
پہلا واقعہ نواں کوٹ میں پیش آیا ، جہاں نوجوان چہرے پرڈور پھر نے سے شدید زخمی ہوگیا ، ریسکیوذرائع کا کہنا ہے کہ زخمی نوجوان کو سروسز اسپتال منتقل کر دیا گیا ہے۔
دوسرا واقعہ قرطبہ چوک میں ہوا ، جہاں پر بھی ڈور پھرنے سے نوجوان زخمی ہوا۔
یاد رہے گذشتہ ماہ اقبال ٹاؤن میں پتنگ کی ڈور پھرنے سے 22 سالہ نوجوان جاں بحق ہوگیا تھا ، پولیس کا کہنا تھا کہ جاں بحق نوجوان کی شناخت دانیال یاسر کے نام سے ہوئی، دانیال کو زخمی حالت میں اسپتال منتقل کیاگیا جہاں وہ جانبرنہ ہو سکا۔
سی سی پی اولاہور نے قیمتی انسانی جان کے نقصان پرگہرےدکھ کا اظہار کرتے ہوئے کہا پولیس انسدادپتنگ بازی ایکٹ پرسختی سےعمل درآمد یقینی بنائیں، کسی کو بھی انسانی جانوں سے کھیلنے کی اجازت نہیں دی جاسکتی۔
