کراچی: شہر قائد کے علاقے یوپی موڑ پر فائرنگ کا واقعہ پیش آیا، جس میں دو افراد جاں بحق ہوگئے.
تفصیلات کے مطابق فائرنگ میں جاں بحق ہونے والے دونوں افراد کا تعلق کراچی فشری سے ہے.
پولیس کے مطابق یہ افراد یوپی موڑ کے قریب رشتے دار کے ہوٹل پر کھانا کھانے آئے تھے، وہ واپسی کے لئے گاڑی میں بیٹھ رہے تھے، تب ملزمان نے فائرنگ کردی.
واقعے کے بعد علاقے میں خوف و ہراس پھیلا گیا، پولیس اوررینجرزکی بھاری نفری جائے وقوع پرپہنچ گئی ، علاقے کو حصار میں لے لیا.
ایس ایس پی سینٹرل کے مطابق فائرنگ موٹرسائیکل سوارملزمان نے کی، فائرنگ نائن ایم ایم پستول سے کی گئی،5 خالی خول ملے ہیں.
ایس ایس پی کے مطابق بظاہر واقعہ ذاتی دشمنی کا نتیجہ معلوم ہوتا ہے، البتہ مختلف خطوط پر تفتیش جاری ہے.
مزید پڑھیں: کراچی میں فائرنگ سے پی ایس پی رہنما جاں بحق
یاد رہے کہ 19 فروری 2019 کو شہر قائد کے علاقے سخی حسن چورنگی پر نامعلوم افراد کی فائرنگ سے پاک سرزمین پارٹی کے رہنما عبدالحبیب جاں بحق ہوگئے تھے۔
سخی حسن چورنگی موبائل مارکیٹ کے قریب موٹرسائیکل سوار نامعلوم افراد نے اندھا دھن فائرنگ کی، جس کے باعث رہنما پی ایس پی عبدالحبیب جاں بحق ہوگئے۔
