گلگت: پاکستان میں کورونا وائرس کے مزید 2مریض صحتیاب ہوگئے، دونوں مریض کوروناٹیسٹ مثبت آنے پرآئسولیشن وارڈمیں زیرعلاج تھے۔
تفصیلات کے مطابق ترجمان جی بی حکومت نے اپنے بیان میں کہا ہے کہ اسکردو میں کورونا وائرس سے2مریض صحتیاب ہوگئے ، دونوں مریضوں کورپورٹ منفی آنےپرگھربھجوادیاگیا،اس قبل دونوں مریض کوروناٹیسٹ مثبت آنے پرآئسولیشن وارڈمیں زیرعلاج تھا۔
دوسری جانب گلگت بلتستان کے محکمہ اطلاعات نے بتایا کہ گلگت بلتستان میں کوروناسے متاثرہ مریضوں کی تعداد91ہے، متاثرہ مریضوں کو صحت تاب ہونے پر ڈسچارج کردیا گیا ہے۔
ان کا کہنا تھا کہ نجی فلاحی ادارے کی جانب سے جراثیم کش اسپرے مہم کاکل سےآغازہوگا ، جراثیم کش اسپرے کےلیے بغیرمعاوضے کے30رضاکارسرگرم رہیں گے۔
.
یاد رہے 3 روز قبل ترجمان گلگت بلتستان حکومت فیض اللہ فراق نے تصدیق کی تھی کہ گلگت بلتستان میں کورونا وائرس کے 4 مریض صحت یاب ہوگئے ہیں ، جن میں سے 2 مریضوں کا تعلق گلگت اور 2 کا تعلق اسکردو سے ہے۔
اس سے قبل گلگت سے تعلق رکھنےوالے2مریض پمز میں صحت یاب ہوئےتھے۔
خیال رہے ملک بھر میں کورونا کےکیسزکی تعداد 1200 سے تجاوز کر گئی جبکہ کورونا سے جاں بحق افراد کی تعداد 10 ہوگئی ہے۔
اعدادو شمار کے مطابق پنجاب میں کورونا کیسز کی تعداد 408 تک جا پہنچی جبکہ سندھ میں 429، بلوچستان میں 131 ، خیبر پختونخوا میں147،اسلام آبادمیں 27 کرونا وائرس کے کیسز رپورٹ ہوئے اور گلگت بلتستان 91،آزادکشمیر میں کوروناکیسزکی تعداد 2ہے۔
