مقبوضہ کشمیر میں مزید 2 نوجوان شہید -
The news is by your side.

Advertisement

مقبوضہ کشمیر میں مزید 2 نوجوان شہید

سرینگر: مقبوضہ کشمیر میں بھارت کی ریاستی دہشت گردی جاری ہے، بھارتی فوج نے مزید 2 نوجوانوں کو شہید کردیا۔

کشمیری میڈیا کے مطابق مقبوضہ کشمیر کے ضلع کپواڑہ میں بھارتی فوج نے مزید 2 نوجوانوں کو شہید کردیا ہے۔

کپواڑہ اور قریبی علاقوں میں انٹرنیٹ اور موبائل فون سروس بھی بند ہے۔

گزشتہ ماہ جولائی میں بھارتی فوج کی جانب سے مقبوضہ کشمیر میں ظلم و بربریت کی انتہا کردی گئی۔

کشمیر میڈیا سروس کے مطابق قابض بھارتی فوج نے مقبوضہ وادی میں صرف جولائی میں 21 نہتے کشمیریوں کو شہید کیا جبکہ بھارتی فوج کی بربریت سے 310 کشمیری شدید زخمی ہوئے۔

اسی ماہ کے دوران حریت رہنماؤں سمیت 169 افراد کو گرفتار کیا گیا اور محاصروں کے دوران 46 گھروں کو تباہ بھی کیا گیا۔

کشمیر میڈیا کے مطابق کشمیری نوجوانوں کی شہادت پر احتجاج کرنے والے شہریوں پر بھارتی فوج نے پیلٹ گنوں، آنسو گیس شیلنگ اور لاٹھی چارج کا استعمال بھی کیا جس کی زد میں آکر خواتین اور بچوں سمیت سینکڑوں کشمیری شدید زخمی ہوگئے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں