اسرائیلی فوج نے مقبوضہ مغربی کنارے میں دو فلسطینیوں کو شہید کر دیا۔
الجزیرہ کے مطابق نابلس شہر میں رات گئے اسرائیلی فوج کی چھاپہ مار کارروائی کے دوران دو فلسطینیوں کو گولیاں مار کر شہید کیا گیا۔
وزارت صحت نے اتوار کو جاری بیان میں بتایا کہ 25 سالہ محمد عزیزی سینے میں گولی لگنے سے شہید ہوا جب کہ 28 سالہ عبدالرحمن جمال سلیمان سر میں گولی لگنے سے شہید ہوا۔
Israeli occupation forces raided the Old City of Nablus after midnight & attacked a house for about 4 hours.
Two young Palestinians, Mohammad Azizi, 22y, and Abboud Soboh, 29y, were reportedly shot dead. pic.twitter.com/v7wLV6PzRY
— Ramy Abdu| رامي عبده (@RamAbdu) July 24, 2022
فلسطینی خبر رساں ایجنسی وفا کا کہنا ہے کہ اسرائیلی فورسز نے آدھی رات کے بعد نابلس کے پرانے شہر میں ال یاسمینہ محلے پر دھاوا بولا اور ایک گھر کو گھیرے میں لے لیا۔
گھر پر بارودی مواد اور گولیوں سے حملہ کیا گیا جس کے نتیجے میں دو فلسطینی شہید ہوئے۔
فلسطینی ہلال احمر کے مطابق اس واقعے میں کم از کم 12 دیگر زخمی ہوئے ہیں جن میں سے ایک کی حالت تشویشناک ہے۔
