دوحہ: قطر میں دو جنگی طیارے تربیتی پرواز کے دوران آپس میں ٹکرا کر تباہ ہوگئے، پائلٹس نے ایجکٹ کرکے اپنی جانیں بچائیں۔
غیرملکی خبررساں ادارے کے مطابق قطر فضائیہ کے طیارے معمول کی پرواز پر تھے کہ اچانک ان کے درمیان تصادم ہوگیا، دونوں طیاروں میں آگ بھڑک اٹھی اور زمین پر گرکر تباہ ہوگئے۔
طیاروں کے پائلٹس پیراشوٹ کے ذریعے ایجکٹ کرکے زمین پر باحفاظت اترگئے۔
بيان من القيادة العامة للقوات المسلحة pic.twitter.com/sW6iW9DgqV
— وزارة الدفاع – دولة قطر (@MOD_Qatar) July 10, 2019
واضح رہے کہ امریکی فضائیہ کے لڑاکا طیارے بھی قطر میں موجود ہیں جو قطر فضائیہ کو تکنیکی معاونت فراہم کرتے ہیں۔
یاد رہے کہ رواں سال فروری میں بھارتی فضائیہ کے دو لڑاکا طیارے تربیتی مشق کے دوران آپس میں ٹکرا کر تباہ ہوگئے تھے۔
بھارتی فضائیہ کے سوریا کرن طیارے ایرو انڈیا شو 2019 کی بنگلور میں ریہرسل کررہے تھے، حادثے کے نتیجے میں طیاروں میں سوار پائلٹس زخمی ہوگئے تھے۔
