کراچی : شہری نے دو ڈاکوؤں کو گولی مارکر ہلاک کردیا، مسلح ڈکیت شہریوں سے لوٹ مار کر رہے تھے۔
تفصیلات کے مطابق لوٹ مار کی بڑھتی ہوئی پے درپے وارداتوں کے بعد شہر قائد کے باسیوں کا صبر جواب دے گیا۔
کراچی کے علاقے کورنگی میں شہری نے دو مبینہ ڈکیت کو فائرنگ کر کے ہلاک کر دیا۔
- Advertisement -
پولیس نے بتایا کہ کورنگی پانچ نمبر کے علاقے میں دو مسلح ڈکیت شہریوں سے لوٹ مار کر رہے تھے، اس دوران وہاں موجود ایک شہری نے اپنے لائسنس ہتھیار سے ڈکیتوں پر فائرنگ کر دی، جس سے دونوں مبینہ ڈکیت موقع پر مارے گئے۔
پولیس کا کہنا ہے کہ مارے گئے ایک ڈکیت کی شناخت اصغر کے نام سے ہوئی ، جس کے پاس سے شکارپور سے بنوایا گیا ڈرائیونگ لائسنس بھی برامد ہوا ہے۔
پولیس نے کہا کہ ملزمان سے ملنے والے اسلحے کا فارنزک کرایا جا رہا ہے جبکہ دوسرے ہلاک مبینہ ڈکیت کی شناخت کا عمل کیا جا رہا ہے۔
