تہران: ایران میں سپریم کورٹ کے باہر مسلح شخص نے فائرنگ کرکے 2 ججز کو قتل کردیا۔
غیر ملکی میڈیا نے تہران میں فائرنگ کے واقعے کی تصدیق کرتے ہوئے کہا ہے کہ نامعلوم حملہ آور نے سپریم کورٹ کے باہر فائرنگ کی ہے، جس کے باعث 2 جج موقع پر ہی جاں بحق ہوگئے ہیں۔
ایران کے میڈیا کا کہنا ہے کہ دونوں معزز جج صاحبان قومی سلامتی، جاسوسی اور دہشتگردی سے متعلق کیسز کی سماعت کررہے تھے۔ جن کی شناخت علی رازینی اور محمد مغیثی کے ناموں سے ہوئی ہے۔
رپورٹس کے مطابق فائرنگ کا واقعہ مصروف علاقے تہران اسکوائر پر سپریم کورٹ کے قریب پیش آیا جس میں ایک جج زخمی بھی ہوا ہے، حملہ نے فائرنگ کرنے کے بعد خود کو بھی گولی مارلی ہے۔
روس اور ایران میں اہم معاہدہ ہو گیا
ایرانی میڈیا کے مطابق فائرنگ کے واقعے میں جاں بحق ہونے والے جج علی رازینی پر 1998 میں بھی قاتلانہ حملہ کیا گیا تھا جس میں ان کی گاڑی میں بم نصب کیا گیا تھا اور وہ اس حملے میں زخمی ہوئے تھے۔
