site
stats
عالمی خبریں

سعودی عرب: سیکیورٹی فورسز سے مقابلے میں 2 دہشت گرد ہلاک

ریاض: سعودی عرب میں سیکیورٹی فورسز کے ساتھ فائرنگ کے تبادلے میں 2 مبینہ دہشت گرد ہلاک ہوگئے، جاں بحق ہونے والے دہشت گردوں کی تا حال شناخت نہیں ہو پائی ہے۔

عرب میڈیا کے مطابق دو مبینہ دہشت گرد کی مشکوک سرگرمیوں کو بھانپتے ہوئے سیکیورٹی اہلکاروں نے ان کا پیچھا کیا جس کے بعد دو طرفہ فائرنگ کے نتیجے میں دونوں دہشت گرد جاں بحق ہو گئے ہیں۔

واقعے کی اطلاع ملتے ہی قانون نافذ کرنے والے اداروں نے علاقے کو گھیرے میں لے لیا اور کسی ممکنہ حادثے سے بچنے کے لیے ٹریفک کو معطل کر کے عام لوگوں کی آمد ورفت کو روک دیا گیا ہے،جب کہ ریسکیو اداروں نے دہشت گردوں کی لاشوں کو قریبی اسپتال منتقل کردیا ہے جہاں دونوں دہشت گردوں کا پوسٹ مارٹم کیا جائے گا۔

سعودی وزارتِ داخلہ کے ترجمان نے واقعہ کی تصدیق کرتے ہوئے کہا ہے کہ دونوں مبینہ دہشت گرد پولیس کار میں فرار ہونے کی کوشش کررہے تھے جنہیں سعودی سیکیورٹی فورسز نے مقابلے کے بعد ہلاک کردیا ہے۔

سعودی وزارت داخلہ کا مزید کہنا تھا کہ ہلاک ہونے والے دہشت گردوں کی شناخت کا عمل جاری ہے جس کے بعد دہشت گردوں کے عزائم ، منصوبہ بندی اور اُن کے سہولت کاروں کا پتہ چلایا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top