اتوار, مئی 26, 2024
اشتہار

کراچی میں ٹائیفائیڈ ویکسینیشن مہم کا آغاز، ویکسین نہ لگوانے والے والدین کو خبردار کردیا گیا

اشتہار

حیرت انگیز

کراچی: سندھ حکومت کی جانب سے کراچی اور حیدرآباد میں ٹائیفائیڈویکسینیشن مہم کا آغاز ہوگیا، مہم25مئی تک جاری رہے گی۔

تفصیلات کے مطابق وزیر صحت عذرا پیچوہو نے کراچی ،حیدرآبادمیں ٹائیفائیڈویکسینیشن مہم کاافتتاح کردیا۔

کراچی کے 7 اور حیدرآباد کے 1ضلع میں ٹائیفائیڈ ویکسینیشن مہم 25 مئی تک جاری رہے گی، عذرا پیچوہو نے
والدین سے اپیل کی ہے کہ اپنے بچوں کو ویکسین لازمی لگوائیں۔

- Advertisement -

پراجیکٹ ڈائریکٹرای پی آئی سندھ ڈاکٹر نعیم نے بتایا کہ یہ ویکسین 9ماہ سے 15سال تک کی عمر تک کے بچوں کیلئے ہے، مہم میں 7ہزاررضاکارحصہ لے رہے ہیں۔

ڈاکٹر نعیم کا کہنا تھا کہ 31وین سروسز کے ذریعےاسکولزمیں بھی ٹائیفائیڈ ویکسین لگائی جائیں گی، 89 لاکھ بچوں کو ٹائیفائیڈ سے بچاؤکی ویکسین دینے کا ہدف مقرر ہے۔

وزیر صحت سندھ نے کہا کہ بیماریاں بہت تیزی سےپھیلتی ہیں ان کا بچاؤضروری ہے، آلودہ پانی اورکھانا ٹائیفائیڈ کے پھیلاؤکا باعث ہے۔

ان کا کہنا تھا کہ ٹائیفائیڈ کا علاج ممکن ہے اس سے بچاؤ کیلئے پانی کو ابال کرپینا چاہیے ، ٹائیفائیڈسے بچاؤ کیلئے پرانی ویکسین ،اینٹی بائیوٹک کام نہیں کررہی تھیں، نئی ویکسین ٹائیفائیڈ سے بچاؤ کیلئےکام کرتی ہے۔

عذرا پیچوہو نے مزید کہا کہ والدین کو بھی پیغام دیتےہیں اپنے بچوں کوٹائیفائیڈسے بچاؤکےٹیکے لگوائیں، ویکسی نیشن نہ کرانے کی صورت میں سزا بھی ہوسکتی ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں