سمندری طوفان گیمی تائیوان میں تباہی مچانے کے بعد چین کے صوبے فوجیان سے ٹکرا گیا۔
بین الاقوامی خبر رساں ادارے کی رپورٹ کے مطابق چینی محکمہ موسمیات کا کہنا ہے کہ سمندری طوفان کے زیر اثر فوجیان کے ساحلی علاقوں میں شدید بارشوں کا سلسلہ شروع ہوگیا ہے۔
طوفان گیمی کم شدت کے ساتھ شمال کی جانب روانہ ہورہا ہے، جبکہ شمالی علاقوں میں طوفان کے زیراثر شدید بارشیں ہوں گی۔
گزشتہ روز سمندری طوفان گیمی فلپائن کے بعد تائیوان کے ساحل سے ٹکرایا تھا، جس کے باعث شدید بارشیں شروع ہوگئی تھیں۔
رپورٹ کے مطابق طوفان 240 کلومیٹر فی گھنٹے کی رفتار کی ہواؤں سے تائیوان کے شمال مشرقی ساحل سے ٹکرایا تھا۔
طوفان سے قبل ساحلی علاقوں سے 8 ہزار سے زائد افراد کا انخلا کرالیا گیا تھا، متاثرہ علاقوں میں 2 لاکھ 90 ہزار سے زیادہ صارفین بجلی سے محروم ہوگئے ہیں۔
طوفانی بارشوں سے مہاراشٹر اور گجرات میں تباہی، 6 افراد ہلاک
خبر ایجنسی کے مطابق سیکڑوں پروازیں بھی منسوخ کی گئی ہیں جبکہ متاثرہ علاقوں میں ٹرینیں اور فیری سروس معطل ہے۔
