پنگٹونگ: دنیا کی تیسری سب سے طاقت ور ہوائیں پیدا کرنے والے سمندری طوفان کوئینو نے جنوبی تائیوان میں تباہی مچا دی۔
تفصیلات کے مطابق جمعرات کو علی الصبح جنوبی تائیوان سے ٹکرا کر زمرہ فور کے ٹائفون کوئینو نے طاقت ور طوفانی ہوائیں پیدا کیں، جس سے ایک شخص ہلاک اور 304 زخمی ہو گئے ہیں۔
دی گارڈین کی رپورٹ کے مطابق یہ دنیا بھر میں اب تک ریکارڈ کی گئیں تیسری تیز ترین ہوائیں تھیں، جب کہ تائیوان کی سینٹرل ویدر ایڈمنسٹریشن نے بتایا کہ 1986 میں اس کے قیام کے بعد سے تائیوان میں یہ سب سے زیادہ تیز اور طاقت ور جھونکے تھے۔
#typhoon #koinu is back with a vengeance!! pic.twitter.com/E5Q1HcSsaP
— James Reynolds (@EarthUncutTV) October 5, 2023
سمندری طوفان کوئینو بدھ کی رات تائیوان کے بیرونی لانیو جزیرے کو عبور کرتے ہوئے 95.2 میٹر فی سیکنڈ یا 342.7 کلومیٹر فی گھنٹہ کی رفتار سے چلنے والی ہوا کے جھونکے لے کر آیا۔
More footage of typhoon #Koinu after making landfall in #Taiwan #TyphoonKoinu #WeatherUpdate #storm pic.twitter.com/0EBgy9SO1s
— Disaster Tracker (@DisasterTrackHQ) October 5, 2023
رپورٹس کے مطابق ہوا کے یہ جھونکے عالمی سطح پر ریکارڈ کیے گئے تیسرے طاقت ور ترین جھونکے تھے۔ 1996 میں مغربی آسٹریلیا کے بیرو جزیرے میں 408 کلومیٹر فی گھنٹہ کی رفتار سے جھونکا ریکارڈ کیا گیا تھا، جس نے 1934 میں قائم کیا گیا ریکارڈ توڑ دیا تھا، جب امریکا میں نیو ہیمپشائر کے ماؤنٹ واشنگٹن پر 372 کلومیٹر فی گھنٹہ کی رفتار سے ہوا ریکارڈ کی گئی تھی۔
Typhoon Koinu just slammed into Orchid Island, Taiwan, where a wind gust of 213 mph (342 km/h) was reported.
If confirmed, this would be one of the top 5 highest wind gusts ever recorded on Earth. pic.twitter.com/9yyowuA0g3
— Colin McCarthy (@US_Stormwatch) October 4, 2023
طوفان کے باعث جنوبی تائیوان میں موسلادھار بارش اور تیز ہواؤں نے کئی شہروں میں لاکھوں لوگوں کو گھروں تک محدود کر دیا ہے، اور اسکول بند ہو گئے، ہواؤں کے جھکڑوں کے پیشِ نظر متعدد پروازیں بھی معطل ہو گئیں، تیز ہواؤں کی وجہ سے درخت جڑوں سے اکھڑ گئے، سائن بورڈ گر گئے، گاڑیوں اور عمارتوں کو بھی نقصان پہنچا، تاہم دارالحکومت تائپے میں معمول کے مطابق کاروباری سرگرمیاں جاری ہیں۔
Typhoon Koinu hits Taiwan at 213mph in outer region causing hundreds of injuries and damage to buildings.
Read more: https://t.co/15rS0E8qIg pic.twitter.com/TCYhOGbvw4
— Sky News (@SkyNews) October 5, 2023
محکمہ موسمیات کے مطابق آبنائے تائیوان میں داخل ہونے کے بعد ٹائفون کوئینو چین کے گوانگ ڈونگ صوبے کی طرف بڑھ گیا ہے، اور یہ کافی کمزور ہو گیا ہے۔
