تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

بڑے سمندری طوفان کی وارننگ، جاپانی جزیرے سے 20 لاکھ افراد منتقل کیے ہوں گے

ٹوکیو: جاپان میں بڑے سمندری طوفان کی وارننگ جاری کی گئی ہے، جاپانی جزیرے سے 20 لاکھ افراد منتقل کیے جائیں گے۔

تفصیلات کے مطابق جاپان میں غیر معمولی سمندری طوفان نانماڈول کی وارننگ جاری کی گئی ہے، کیوشو جزیرے سے بیس لاکھ افراد کو محفوظ مقام پر منتقل کرنے کی ہدایت دے دی گئی۔

جاپانی قومی نشریاتی ادارے این ایچ کے کے مطابق موسمیاتی ادارے نے کہا ہے کہ سمندری طوفان اتوار کو کیوشو جزیرے سے ٹکرائے گا۔

جاپان کی موسمیاتی ایجنسی کا کہنا ہے کہ نانماڈول کئی دہائیوں کا تباہ کن طوفان ثابت ہو سکتا ہے، جس کے ساتھ ساحلی علاقوں میں 20 انچ تک بارشوں کا امکان ہے۔

کیوشو جزیرے میں کئی ٹرینیں اور سیکڑوں پروازیں منسوخ کر دی گئی ہیں۔

توقع ہے کہ یہ ٹائیفون اتوار کو کاگوشیما پریفیکچر کے قریب پہنچے گا یا ساحل سے ٹکرا جائے گا، پھر اگلے دن جاپان کے مرکزی جزیرے کی طرف بڑھنے سے پہلے شمال کی طرف بڑھے گا۔

جاپان میٹرولوجیکل ایجنسی کی پیش گوئی یونٹ کے سربراہ ریوتا کورورا نے صحافیوں کو بتایا کہ اس ٹائیفون سے جنوبی جاپان میں بے مثال طوفانوں، اونچی لہروں، طوفانی جھکڑوں اور ریکارڈ بارشوں کے خطرات ہیں، اس لیے رہائشی جتنی جلد انخلا کریں، بہتر ہے۔

انھوں ںے کہا یہ ایک بہت ہی خطرناک طوفان ہے، ہوا کے جھکڑ اتنے تیز ہوں گے کہ کئی مکانات گر سکتے ہیں، سیلاب اور لینڈ سلائیڈنگ کا بھی شدید خدشہ ہے۔

Comments

- Advertisement -