The news is by your side.

جاپان میں خوفناک سمندری طوفان: کئی فٹ اونچی لہریں ، تیز ہواؤں نے گاڑیاں الٹ دیں

ٹوکیو: جاپان میں سمندری طوفان ’’نانما ڈول‘‘ نے تباہی مچادی، 250 پچاس کلومیٹرفی گھنٹہ کی رفتار سے چلنے والی ہواؤں نے گاڑیوں کو الٹ کر رکھ دیا۔

تفصیلات کے مطابق جاپان میں سمندری طوفان نے بڑے پیمانے پر تباہی مچادی ، دو سو پچاس کلومیٹرفی گھنٹہ کی رفتار سے چلنے والی ہواؤں نے گاڑیوں کو الٹ کر رکھ دیا۔

سمندری طوفان سے دو افراد ہلاک ، نوے سے زائد خمی اور ایک شخص لاپتا ہو گیا ہے۔

طوفان کے باعث کئی فٹ اونچی لہریں ساحل پرآگئیں، جس کے بعد خراب موسم کے باعث ساحلی علاقوں میں رہنے والے چالیس لاکھ سے زائد شہریوں کو محفوظ مقام پر منتقل ہونے کی ہدایات جاری کردی گئیں ہیں۔

شدید بارش اور تیز ہواؤں نے نظامِ زندگی درہم برہم کردیا، ساڑے تین لاکھ گھر بجلی سے سے محروم ہوگئے ہیں۔

جنوب مغربی جاپان میں طاقتور سمندری طوفان ننماڈول نے جزیرے کیوشو میں بربادی پھیلانے کے بعد ٹوکیو کا رخ کر لیا۔

طوفان ٹلنے تک ٹرینیں، پروازیں اور بحری جہاز کے روٹس کو بند کردیا گیا ہے۔

Comments

یہ بھی پڑھیں