پیرس : برطانیہ اور فرانس نے غیر قانونی تارکین وطن کی آمدورفت کو روکنے کیلئے 75 ملین ڈالر مالیت کا معاہدہ کرلیا۔
غیر ملکی خبر رساں ادارے روئٹرز کی رپورٹ کے مطابق فرانس اور برطانیہ نے چینل عبور کرنے والے تارکین وطن کی ریکارڈ تعداد کو ختم کرنے کے لیے 75 ملین ڈالر مالیت کے ایک نئے معاہدے پر دستخط کیے ہیں۔
انسانی اسمگلنگ کے منافع بخش اور خطرناک کاروبار سے نمٹنے کے لیے برطانیہ اور فرانس کے درمیان ایک نئی ڈیل کا اعلان کیا گیا ہے کیونکہ اس سال اب تک 40ہزار سے زائد تارکین وطن انگلش چینل عبور کرکے برطانیہ پہنچے تھے۔
Our migration deal with France will tackle illegal crossing by increasing patrols and security cooperation.
💬 @SuellaBraverman pic.twitter.com/iIyU8gbXaX
— Conservatives (@Conservatives) November 14, 2022
فرانس اور برطانیہ نے چھوٹی کشتیوں میں چینل عبور کرکے انگلستان جانے والے تارکین وطن کو روکنے کے لیے مل کر کام کرنے کے لیے ایک نئے معاہدے پر دستخط کیے ہیں۔
معاہدےکےتحت فرانسیسی ساحلوں پر یوکےفنڈڈ آفیسرز کی پٹرولنگ میں 40 فیصداضافہ ہوگا۔ معاہدے کے تحت برطانوی افسران پہلی بار فرانسیسی زیرقیادت کنٹرول رومز میں شامل ہوں گے۔