اسلام آباد : امریکی سفارتخانے کا کہنا ہے کہ رواں سال امریکا نے قرض کی مد میں پاکستان کو 128ملین ڈالر کا ریلیف دیا۔
تفصیلات کے مطابق امریکی سفارتخانے کی جانب سے سماجی رابطے کی ویب سائٹ ٹوئٹر پر اپنے بیان میں کہا ہے کہ قرض کی مد میں رواں سال امریکا نے پاکستان کو 128ملین ڈالر کا ریلیف دیا، ریلیف جی 20 کے قرض میں معطلی کے پروگرام کے تحت دیا گیا ، دونوں ملک کوویڈ کے خلاف وسائل فراہمی کے کام کرتے رہیں گے۔
Under the #G20 Debt Service Suspension Initiative, the U.S. provided $128 million in debt relief to Pakistan in 2020. Through efforts like this, the U.S. and Pakistan are working together to redirect critical resources to the #COVID19 pandemic response.
— U.S. Embassy Islamabad (@usembislamabad) December 17, 2020
یاد رہے رواں سال مئی میں پاکستان میں امریکی سفیر پال جانز نے کہا تھا کہ کرونا سے نمٹنے کے لیے امریکا نے پاکستان کے لیے 6 ملین ڈالر امداد کا اعلان کیا ، جس کا مقصد اسپتالوں میں مریضوں کی دیکھ بھال کرنے والے ہیلتھ ورکز کی تربیت میں اضافے کے ساتھ کرونا وائرس کے پھیلاؤ کو روکنا اور چوتھی موبائل لیب فراہم کرنا ہے تاکہ ان علاقوں میں ٹیسٹ کیے جاسکے جہاں کرونا مریضوں کی تعداد زیادہ ہے۔
خیال رہے ڈونلڈ ٹرمپ نے وزیر اعظم سے گفتگو میں وینٹی لیٹرزکی فراہمی کا وعدہ کیا تھا جبکہ کورونا سے نمٹنے کیلئے امریکا اب تک پاکستان کو 27 ملین ڈالر امداد فراہم کرچکا ہے۔
