The news is by your side.

Advertisement

متحدہ عرب امارات کے ہاتھوں بھارت کو بدترین شکست

دبئی کے زبیل اسٹیڈیم میں کھیلے جانے والے فٹبال میچ میں متحدہ عرب امارات کی ٹیم نے بھارت کو دھول چٹا دی۔

بین الاقوامی میڈیا رپورٹ کے مطابق بھارت اور متحدہ عرب امارات کی ٹیموں کے مابین بین الاقوامی میچ دبئی کے زبیل اسٹیڈیم میں کھیلا گیا۔ اماراتی کھلاڑیوں نے آغاز سے ہی کھیل  پر اپنی گرفت کو مضبوط رکھا، اسی وجہ سے اسٹیڈیم میں بھارتی کھلاڑی بے بسی کی تصویر بنے نظر آئے۔

متحدہ عرب امارات کے کھلاڑیوں نے کھیل کو اپنی گرفت میں اس قدر رکھا کہ کسی بھی موقع پر بھارتی ٹیم کو واپسی کی گنجائش نہیں مل سکی۔

یو اے ای کی ٹیم کے اسٹرائیکر علی مبخوت نے 12 ویں، 32ویں اور 60ویں منٹ میں تین گول کر کے ہیٹ ٹرک مکمل کی جبکہ خلیل ابراہیم نے 64ویں اور فابیو لیما نے 71ویں اور 84ویں منٹ میں گول اسکور کیے۔

مزید پڑھیں: دورہ بھارت میں انگلینڈ کے ہاتھ خالی رہ گئے

کھیل کے اختتام تک متحدہ عرب امارات کی ٹیم نے 6 گول کیے جبکہ بھارتی ٹیم کوئی گول نہیں کرسکی تھی۔ واضح رہے کہ بھارت نے عمان کے خلاف 25 مارچ کو اپنے ایک دوستانہ میچ کھیلا جو ایک ایک گول سے برابر رہا تھا۔

کھیلوں پر نظر رکھنے والے مبصرین کا کہنا ہے کہ فیفا عالمی رینکنگ میں 104ویں پوزیشن پر موجود بھارتی ٹیم کو اس بات کا زرا بھی اندازہ نہیں تھا کہ اُسے یو اے ای کے ہاتھوں بدترین شکست کا سامنا کرنا پڑے گا۔

یاد رہے کہ اس سے قبل 2010 میں ابوظبی میں بھارت اور یو اے ای کی ٹیموں کے درمیان بین الاقوامی دوستانہ میچ کھیلا گیا تھا جس میں بھارت کو پانچ کے مقابلے میں صفر سے شکست کا سامنا کرنا پڑا تھا۔

Comments

یہ بھی پڑھیں