متحدہ عرب امارات (یو اے ای) میں گاڑی چلانے والوں کیلئے اچھی خبر سامنے آگئی۔
غیر ملکی ذرائع ابلاغ کے مطابق یو اے ای میں ٹریفک قوانین کی آگاہی کے حوالے سے مہم جاری ہے جس میں قوانین پر عمل کرنے والوں کو مفت پیٹرول کارڈز فراہم کئے جارہے ہیں۔
ابوظبی میں مہم کے دوران ٹریفک قوانین پر عمل کرنے والوں کو پولیس کی جانب سے انعامات سے نوازا گیا۔
غیرملکی میڈیا کا اس حوالے سے کہنا ہے کہ 10 مئی تک جاری رہنے والی اس مہم کا مقصد عوام میں ٹریفک قوانین پر عمل کرنے کی اہمیت اجاگر کرنا ہے۔
دوسری جانب متحدہ عرب امارات (یو اے ای) نے متعدد ممالک کے لیے ایئرپورٹ پر ویزہ فراہم کرنے کی سہولت دیدی ہے۔
شیل کا اپنے فیول اسٹیشنز کو سعودی آرمکو کو فروخت کرنے پر غور
اماراتی وزارت خارجہ کی جانب سے ویزے سے مستثنیٰ ممالک کی فہرست کو نئی ترتیب دی گئی ہے، جس کے مطابق اسرائیل اور بھارت سمیت 87 ممالک کے شہری بغیر پیشگی ویزا کے یو اے ای میں داخل ہو سکتے ہیں۔
