The news is by your side.

Advertisement

یو اے ای میں غیرملکیوں کے اقامہ قوانین میں تبدیلیوں کی منظوری

متحدہ عرب امارات میں غیرملکیوں کے اقامہ قوانین میں تبدیلیوں کی منظوری دے دی گئی۔

عرب میڈیا کی رپورٹ کے مطابق اماراتی فیڈرل اتھارٹی برائے شناخت و شہریت کی جانب سے امارات میں مقیم غیرملکیوں کے اقامہ قوانین میں تبدیلیوں کی منظوری دی گئی ہے۔

نئے قوانین کے مطابق غیرملکیوں کے اقامہ کے اسٹیکر کا سلسلہ 11 اپریل 2022 سے ختم کردیا جائے گا اور شناختی کارڈز کا اجرا 11 اپریل 2022 سے شروع کیا جائے گا۔

جاری کیے جانے والے شناختی کارڈ میں تمام معلومات فراہم کی جائیں گی جس میں پاسپورٹ نمبر، اماراتی شناختی کارڈ نمبر اور دیگر تمام تفصیلات شامل ہیں جو اقامہ اسٹیکرز میں ہوتی ہیں۔

فیڈرل اتھارٹی کی جانب سے سول ایوی ایشن اتھارٹی اور ایئرلائنز کی اعلیٰ انتظامیہ کو اس فیصلہ سے مطلع کردیا گیا ہے جس کے مطابق 11 اپریل سے امارات آنے والے مسافروں کے پاسپورٹس پرویزا اسٹیکرز چسپاں نہیں کیے جائیں گے جبکہ ویزا کے بارے میں تمام معلومات پاسپورٹ نمبر سے اسکین کی جائیں۔

واضح رہے کہ اماراتی ویزا مختلف مدت کا ہوتا ہے جو دو سے 10 برس تک کے لیے جاری کیا جاتا ہے تاہم اس کے مختلف مراحل ہوتے ہیں۔

Comments

یہ بھی پڑھیں