کراچی: صوبہ سندھ کے شہر خیرپور میں سیلاب متاثرین کے لیے متحدہ عرب امارات کی جانب سے میڈیکل کیمپ قائم کیا گیا ہے جہاں متاثرین کو علاج اور ادویات فراہم کی جارہی ہیں۔
تفصیلات کے مطابق متحدہ عرب امارات کی جانب سے صوبہ سندھ کے شہر خیرپور میں سیلاب متاثرین کے لیے میڈیکل کیمپ قائم کیا گیا ہے۔
امارات کے قونصل جنرل کا کہنا ہے کہ میڈیکل کیمپ سیلاب متاثرین کو بیماریوں سے بچانے کے لیے قائم کیا گیا، کیمپ میں مریضوں کا علاج کیا جارہا ہے اور دوائیں فراہم کی جارہی ہیں۔
- Advertisement -
قونصل جنرل کا کہنا تھا کہ متاثرین کو علاج و معالجے سمیت تمام تر سہولت فراہم کی جارہی ہے۔
انہوں نے مزید کہا کہ مشکل کی گھڑی میں امارات اپنے سیلاب متاثرہ بہن بھائیوں کے ساتھ ہے، جو رشتہ شیخ زید مرحوم نےقائم کیا وہ آج تک قائم و دائم ہے۔
