متحدہ عرب امارات: پیٹرولیم مصنوعات کی قیمتوں میں اضافے کا اعلان

عالمی منڈی میں پیٹرول کی بڑھتی ریکارڈ قیمتیں، یو اے ای نے بھی پیٹرولیم مصنوعات کی قیمتوں میں اضافے کا اعلان کر دیا۔

اماراتی میڈیا کے مطابق متحدہ عرب امارات نے فروری میں پیٹرول کی قیمتوں میں 10 فیصد اضافے کا اعلان کیا ہے۔
فیول پرائس کمیٹی کی جانب سے ماہ فروری کے لیے پیٹرولیم مصنوعات کی نئی قیمتیں مقرر کی گئی ہیں۔

یکم فروری سے سپر 98 پیٹرول کی قیمت اضافے کے بعد 2 عشاریہ 94 درہم اور اسپیشل پیٹرول کی قیمت 2 عشاریہ 82 ہو گی۔

ای پلس 91 پیٹرول کی قیمت اضافے کے بعد 2 عشاریہ 75 درہم جب کہ ڈیزل 2 عشاریہ 88 درہم فی لیٹر مقرر کی گئی ہے۔

واضح رہے کہ عالمی منڈی میں خام تیل کی قیمتوں میں 7 سال کا ریکارڈ اضافہ ہوا ہے۔

Comments