The news is by your side.

Advertisement

متحدہ عرب امارات میں پیٹرول کی قیمتوں کا اعلان

دبئی : متحدہ عرب امارات کی حکومت نے ماہ اگست میں پیٹرولیم مصنوعات کی قیمتوں میں  اضافہ نہ کرنے کا اعلان کردیا اور کہا قیمتیں ماہ جولائی کی سطح پر ہی برقرار رکھی جائیں گی۔

تفصیلات کے مطابق متحدہ عرب امارات نے اگست 2020 کے مہینے کیلئے پیٹرولیم مصنوعات کی قیمتوں کا اعلان کردیا ، حکام کا کہنا ہے کہ ماہ اگست 2020ء میں پیٹرول اور ڈیزل کی قیمتوں میں کوئی اضافہ نہیں کیا جا رہا، پیٹرولیم مصنوعات کی قیمتیں ماہ جولائی کی سطح پر ہی برقرار رہے گی۔

جس کے مطابق سپر 98 پیٹرول 1.91درہم فی لیٹر اور اسپیشل 95 پیٹرول 1.80 درہم فی لیٹر فروخت ہوگا جبکہ ڈیزل 2.06 درہم فی لیٹر میں دستیاب ہو گا۔

پیٹرولیم مصنوعات کی نئی قیمتوں کا اطلاق یکم اگست سے ہوگا۔

خیال رہے کہ متحدہ عرب امارات نے آخری بار رواں سال اپریل کے مہینے میں پیٹرولیم مصنوعات کی قیمتوں میں رد و بدل کیا تھا، اس کے بعد مئی، جون ، جولائی اور اب اگست میں پیٹرول اور ڈیزل کی قیمتوں میں کوئی تبدیلی نہیں کی گئی۔

واضح رہے کہ یو اے ای میں پیٹرولیم مصنوعات کی قیمتوں کا تعین ماہانہ بنیادوں پر کیا جاتا ہے، عالمی منڈی میں تیل کی قیمتوں کو مدنظر رکھتے ہوئے تبدیلی لائی جاتی ہے۔

وزارت توانائی ہر ماہ کے آخر میں آئندہ ماہ کے لیے پیٹرولیم مصنوعات کی قیمتیں مقرر کرتی ہے اور یہ قیمتیں ایک ماہ کے لیے تمام شہروں میں یکساں لاگو کی جاتی ہیں۔

Comments

یہ بھی پڑھیں