دبئی: متحدہ امارات میں ماہِ فروری کے لیے پیٹرول اور ڈیزل کی قیمتوں کا اعلان کردیا گیا۔
اماراتی نیوز ایجنسی کی رپورٹ کے مطابق ایندھن کی قیمتوں کا تعین کرنے والی کمیٹی نے ماہ فروری 2021 میں بھی پیٹرول کی قیتموں کو بحال رکھنے کا فیصلہ کیا ہے جبکہ ڈیزل کے نرخ کم کردیے۔
کمیٹی نے اس فیصلے کے حوالے سے پیٹرول کی تقسیم کار کمپنیوں کو بھی آگاہ کردیا۔ رپورٹ کے مطابق امارات میں گزشتہ گیارہ ماہ سے پیٹرول کے نرخ میں کوئی رد وبدل نہیں کی گیا۔
نئی قیمتوں کا اطلاق یکم فروری سے ہوگا، جس کے تحت شہری سپر 98 اور خصوصی 95 فی لیٹر پیٹرول بالترتیب 1.91 درہم اور 1.80 درہم میں خرید سکتے ہیں۔
ڈیزل کی قیمت کم ہونے کے بعد اب فی لیٹر ڈیزل 2.01 درہم میں دستیاب ہوگا۔
February fuel prices have been released by the UAE Fuel Price Committee.#ADNOCDistribution pic.twitter.com/Ar059yp7w0
— ADNOC Distribution (@ADNOCdist) January 29, 2021
واضح رہے کہ امارات میں پٹرول اور ڈیزل کے نرخ وزارت توانائی و صنعت ماہانہ بنیاد پر طے کرتی ہے۔ کمیٹی عالمی منڈی کے نرخوں کو مدنظر رکھتے ہوئے نئی قیتموں کا تعین کرتی ہے اور تقسیم کار کمپنیوں کی سروس لاگت بڑھا دیتی ہے۔
مزید پڑھیں: متحدہ عرب امارات،جنوری 2021 کے لیے پیٹرولیم مصنوعات کی قیمتوں کا اعلان
وزارت توانائی ہر ماہ کے آخر میں آئندہ ماہ کے لیے پیٹرولیم مصنوعات کی قیمتیں مقرر کرتی ہے اور یہ قیمتیں ایک ماہ کے لیے تمام شہروں میں یکساں طور پر لاگو ہوتی ہیں۔